Kulankaan ay guddiga Joogtada ee Golaha aqalka sare baarlamaanka Federaalka Soomaaliya la qaateen Guddiga Dhab u heshiisiinta iyo wada hadalada Dawladda Federaalka iyo Maamulka Somaliland ayaa waxaa looga hadlay howsha balaaran ee hor taalla guddigaan.
Kulankaan markii uu soo gabo-gaboobay ayaa waxaa warbaahinta Qaranka la hadlay Guddoomiyaha Guddiga dhab u heshiisiinta iyo wada hadalada Dawladda Federaalka iyo Dawlad Goboleedka Somaliland Cabdullaahi Siikh Ismaaciil, isaggoo sheegay in wada-tashi ay la yeelanayaan qaybaha kala duwan ee Bulshadda Soomaaliyeed.
Guddoomiyaha Golaha aqalka sare baarlamaanka federaalka Soomaaliya Mudane Cabdi Xaashi Cabdullaahi, ayaa dhankiisa sheegay in guddigaan ay hor-taallo howl-badan, dadka soomaaliyeedna ay kala maarmin meel kasta oo ay joogaan.
Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa dhowaan u magacaabay Guddiga Qaran ee Dhab-u-heshiisiinta iyo Wadahadallada Dowladda Federaalka iyo Soomaaliland.
