Guddiga Khayraadka Dabiiciga ah iyo Bi’ada ee Golaha Shacabka Baarlamaanka Jamhuuriyadda Federaalka Soomaaliya ayaa kulan ku yeeshay xafiiska guddoonka iyo guddiyada ee Villa Hargeysa, kulanka waxaa Aaladda fogaan aragga ugu qeyb galay xubno ka mid ah guddiga oo safar dibadaha ah jira.
Ajendaha kulanka ayaa ahaa qiimeynta qorsho-howleedyadii Guddiga kalfadhigiisii 2-aad waxa ugu qabsoomay iyo wixii u qabsoomi waayay. Guddiga ayaa go’aamiyay in mar kale loo diro qoraal rasmi ah Hay’adaha uu korjoogteynta ku leeyahay in ay soo gudbiyaan sharciyadii guddiga uu horay ugu dalbaday.
