Tababarkan oo ay soo qaban qaabiyeen Guddigga madaxa bannaan ee Xuduudaha iyo Federaalka ayaa waxaa ka faaiideysanaya xubno ka socda Maamulka Hirshabelle waxaana lagu baranayaa Soohdin u Sameynta maamuladda Hirshabelle iyo Koonfur Galbeed.
Daahfurka tababrka kooxo hawleedka Soohdin sameynta Hirshabelle waxaa ka qeyb galay Guddoomiyaha Guddiga madaxa bannaan ee Xuduudaha iyo Federaalka, Wasiirka arimaha gudaha ee Hirshabelle iyo masuuliyiin kale.
Guddoomiyaha Guddiga madaxa bannaan ee Xuduudaha iyo Federaalka Qaliif Cabdikariin Maxamed ayaa sheegay in u jeedka tababarkaan loo qabtay ay tahay in la casriyeeyo Soohdimaha goboladda dalka, isla markaana kulankan uu gogol xaar u yahay wadatashi guud oo dhanka Soohdinta ku saabsan oo ay yeelan doonaa Dowlad goboleedyada Hirshabelle iyo Koonfur Galbeed.
Wasiirka Arimaha Gudaha ee Hirshabelle Maxamed Cali Caadle oo tababarka furay Ayaa sheegay inay soo dhaweenayaan tababarkan, isla markaana ay la shaqeyn doonaan Guddiga madax bannaan ee Xuduudaha iyo Federaalka.
