Ilaa shan musharax oo u taagan qabashada kuriga Guddoomiyaha Golaha Shacabka ee JFS ayay maanta diiwaan geliyeen oo ay siiyeen shahaadooyinkooda musharaxnimo Guddiga qaban qaabada doorashada Guddoomiyaha Golaha Shacabka.
Gudiga ayaa diiwaan gelintooda waxa ay bilaabeen maanta, iyadoo doorashada guddoomiyaha Golaha Shacabka arinta xiisaha gaarka ah u yeeleysana ay tahay iyadoo guddiga markii laga magacaabay goโaanadii ay soo saareen uu ka mid ahaa in hadii Xildhibaan sidoo kale ka tirsan Golaha Wasiiradaย uu isku soo sharaxayo xilkan uu marka hore xafiiska Raโisulwasaaraha ku wareejiyo warqada uu isaga casilayo xilka Wasiirnimo ee uu Xukuumadda ka hayo.
Related posts
Guddoomiyaha Gudiga qaban qaabada doorashada Guddoomiyaha Golaha Shacabka Xildhibaan Nuur Iidow Beyle oo gelinkii dambe ee maanta la hadlay Warbaahinta Qaranka ayaa sheegay in is diiwaan gelinta musharixiinta ay si wanaagsan ku bilaabatay, wuxuuna ku wargeliyay Xildhibaanada musharxiiinta ah ee aan weli is diiwaan gelin in ay heystaan oo keliya maalinta ah beri ah.
Musharaxixiinta maanta shahadooyinka la guddoonsiiyay waxa ay kala yihiin:-
- Xildhibaan Ibraahim Isaaq Yarrow
- Xildhiban Sheekh Cali Sheekh Maxamed
- Xildhibaan C/casiis Xasan Maxamed (Lafta-gareen)
- Xildhibaan Saalim Caliyow Ibrow iyo
- Xildhibaan Sheekh Aadan Maxamed Nuur (Sheekh Aadan Madoobe)
25-26ka bishan ayay Guddiga u qorsheeyeen hadal jeedinta musharixiinta xilka Guddoomiyaha golaha shacabka u taagan, iyadoo 30-ka isla bishan oo ku began maalinta Isniinta ahna ay doorashada dhici doonto.
ย
