Wasiirka Warfaafinta Dhaqanka Iyo dalxiiska ee Xukumadda Federaalka Soomaaliya Maxamed Cabdi Xayir (Maareeye) Ahna Guddoomiyaha Guddiga qaran wacyigalinta cudur Karoona feyrus Iyo masuuliyiin ka tirsan Maamulka Gobolka Banaadir ayaa haweenka Soomaaliyeed oo ay soo wakiisheen Guddoomiyaha guddiga Madaxa banaan ee Doorashooyinka qaranka Kala wareegeen in kabadan boqol oo ah maaska afka lagu xerto kuwaasi oo looga hortago cudurka Covid-19 Munaasabad kooban oo lagu qabtay Aqalka Dowladda Hoose ee Xamar.
Guddoomiyaha guddiga Madaxa banaan ee qaranka Xaliimo ismaaciil ibraahim (Xaliimo yareey) ayaa sheegtay inay sii wadayaan dadaalada lagu xakeynayo cudurkaan qatarta ah ee karoona Feyrus.
“Waan sii wadeynaa ka qeyb-qaadashada howlaha looga hortagayo cudurkaan safmareenka ah ee Covid-19 oo Qatar ku ah bulshadeyna Soomaaliyeed”sidaas waxaa yiri gudoomiyaha guddiga Madaxa banaan ee Doorashooyinka Qaranka (Xaliimo Yareey)
Gudoomiye ku xigeenka Arrimaha bulshada ee Maamulka Gobolka Banaadir Basmo Caamir Jakeeti ayaa uga mahadcelisay sida ay haweenka Soomaaliyeed uga qeyb-qaadanaya howlaha lagu xakeynayo cudurka Covid- 19 iyo sidoo kale ololaha wacyigalinta bulshada dhibaatada uu ku haayo Caalamka .
“Waxaan uga mahadcelineynaa doorka ay haweenka Soomaaliyeed ka qaadanayaan ololaha bulshada looga wacyigalinayo qatarta Cudurkaan Karoona Feyrsuka ayay tiri gudoomiye Basmo”
Wasiirka Warfaafinta dhaqanka iyo dalxiiska ee Xukumadda Federaalka Soomaaliya Maxamed Cabdi Xayir Maareeye ahna guddoomiyaha guddiga qaranka ee wacyigalinta Cugurka Covid-19 ayaa sheegay in qalabkaan afka lagu xerto uu muhiim yahay xakameynta cudurka safmareenka ah ee Karoona feyrus.
“Qalabkaan maaska ee afka lagu xerto waxaa uu muhiim uyahay bulshada madaama uu yareynayo in bulshada si fudud ay isku qaadsiin Karin cudurkaan waxaana ku xoojineynaa ololaha balaaran oo bulshada looga wacyigalinayo qatarta uu leeyahay cudurka safmareenka ah ee Covid 19 kaasi oo Dowladda juhdi iyo awoodeeda isugu geysay”sidaas waxaa yiri Wasiirka Maareeye.
