Guddiga Santuuqa Hormarinta Dagmada Gaalkacyo ee Galmudug oo ay wehliyeen Masuuliyiinta Maamulka Dagmada, ayaa Maanta si wadajir ah u bilaabay lacag aruurinta, Mashruuca isku tashiga bulshada waxa ayna ku amreen in aysan la dhaafin bixinta lacagta 15 Septembar.
Duqa Dagmada Gaalkacyo Mudane Cabdiraxmaan Sheekh Xasan oo ay weheliyaan Maayar ku-xigeenka Dagmada Maxamed Cabdi Cilmi,Ururka Haweenka Gobalka Mudug,Golaha Deegaanka, Gudoomiyaasha Xaafadaha,Xubnaha Guddiga Santuuqa Horumarinta , Ganacsato iyo Odayaal dhaqameed, ayaa maanta bilaabay qaaraan aruurinta Bulshada ee Mashruuca dhismaha Sedexda waddo ee Astaan Golol,Cabdullaahi Ciise iyo Astaan Hobyo.
Maamulka degmada Gaalkacyo iyo Guddiga hormarinta santuuqa, ayaa ayaana kormeer ku maray dhamaan waddooyinka la dhisi-doono iyagoona ku amray Bulshada qaybaheeda Kala duwan in 15 September aysan la dhaafin lacagt oo ay soo dadajiyaan si loo dadajiyo loona bilaabo Dhismaha Waddooyinka oo muhiim u ah bulshada.
