Madaxweynaha dowlad goboleedka Puntland mudane Saciid Cabdullaahi Dani ayaa magaalada Garoowe ku soo dhaweeyay guddoomiyaha Aqalka sare ee Baarlamaanka Soomaaliya mudane Cabdi Xaashi Cabdullaahi oo gaaray halkaas, si ay uga qeyb galaan aaska Qaran ee loo sameynayo Ra’iisul wasaarihii hore ee Soomaaliya Xasan Abshir Faarax iyo madaxweynihii hore ee Puntland Maxamed Cabdi Xaashi.
Wafdiga oo ka ambabaxay Magaalada Muqdisho sidoo kale soo dhaweyntiisa waxaa ka qayb galay Guddoomiyaha Golaha Wakiillada Puntland Cabdirashiid Yuusuf Jibriil iyo labada Guddoomiye ku-xigeen ee Baarlamaanka Puntland, masuuliyiin ka tirsan Goleyaasha , saraakiil ciidan iyo masuuliyiin kale.
Diyaarad sida meydka Allaha u naxariistee Madaxweynihii hore ee Puntland marxuum Maxamed Cabdi Xaashi ayaa goordhaw kasoo degtay garoonka diyaaradaha magaalada Garoowe waxaana lagu wadaa in maanta aas Qaran loogu sameeyo halkaas.
