Kulankan ay wada qaateen gudoomiyaha golaha aqalka sare ee baarlamaanka federaalka Soomaaliya mudane cabdi xaashi cabdulaahi iyo Ergeyga gaarka ah ee Xoghayaha Guud ee Qaramada Midoobay u qaabilsan Soomaaliyaย Michael Keating ayaa waxay uga hadleen dar dar galinta dhameystirka dastuurka iyo howlaha horyaala aqalka sare ee dalka.
Markii uu soo gaba gaboobay kulankaasi labada mas’uul waxaa saxaafada la hadlay habdhooraha golaha aqalka sare Ee baarlamaanka Soomaaliya Cabdi Kaafi Macalin Xasan waxa uu sheegay in arimaha dastuurka iyo furitaanka fadhiyada aqalka sareย looga hadlay kulanka iyadoo ergayga gaarka ee Q,M, Soomaaliya u qaabilsan ay tahay markii 3aad oo kulan uu la qaato guddoonka golaha aqalka sare.
Related posts
Dhinaca kale xarunta golaha aqalka sare baarlamaanka federaalka Soomaaliya waxaa kulan ku yeeshay xubnaha gudiga la socodka iyo dib u eegista laba gole baarlamaanka iyadoo kulankaasi uu shir gudoominayay gudoomiyaha gudiga la socodka iyo dib u eegista laba gole mudane Cabdi Xasan Cawaale Qaybdiid waxaana laga doodayay oo qodob qodob loo dul istaagayay qabyo qoraalka dastuurka waxaana kulanka ku sugnaa xubno ka socday dowlad goboleedyada oo xubno ka noqonayaย gudiga sida warbaahinta uu u sheegay Senetor Xuseen Sheeq Maxamuud xoghayaha guud ee gudiga la socodka iyo dib u eegista laba gole baarlamaanka federaalka Soomaaliya.
