Guddoomiyaha Baarlamaanka Puntland oo ka qayb galay qalin Jabinta 346 Arday oo ka baxday Jaamacada Boosaaso.
Ardaydan qalin jabisay ayaa noqonaysa Dufcadii 5aad ee ka qalin jabisa Jaamacadda Boosaaso Faraceeda Garoowe waxaana Goob joog ka aha madax sare ee ka tirsan Puntland,Madaxda iyo Maamula sare ee jamacada iyo Waalidiin kala duwan.
Guddoomiyaha Jaamacada Boosaaso Faraceeda Garoowe Dr Maxamed Cali Maslax iyo Guddoomiyaha Guud ee Jaamacada Boosaaso Dr Maxamud Sheekh Cusmaan ayaa Bogaadin iyo Hambalyayn isu daray ardaydaani iyo iyagoona kula dardaarmay inay la yimaad hal abuuro wax ku ool ah oo ku salaysan culuumti ay sanadada baranayeen.
Wasiiru dowlaha waxbarashada Puntland Cabdilaahi Xasan Rooble ayaa dhankiisa farxad ku tilmaamay jiilkan waxbarasho ee ay soo saartay jaamacadda Boosaaso Ardayda u muujiyay in looga baahan yahay is badal muuqda oo dhanka bulshada iyo wixi ay soo barteen ah.
Ardayda Qalin jabinaysay ayaa dhankooda hambalyeeyay waalidkii iyo macalimiintii mudada kusoo tabcayay ka guul gaarista waxbarashadooda oo ay maanta dhammaysteen heerkeedi koowaad.
Gaba gabadiina Guddoomiyaha Baarlamanka Puntland Abwan Cabdirashiid Yusuf Jibriil oo soo xiray xafladaani qalin badalashada ahayd ayaa ku bogaadiyay Jaamacadda Boosaaso dadaalkeeda soo saarista jiil aqoon leh oo dalkaan wax ka badali kara.
