Guddoomiyaha Degmada Balcad ayaa la Kulmay Odayaasha iyo Beelihii Ku Dagaallamay Tuulooyin Hoos yimaada Degmada Balcad.
Kulan kaan ayaa ah mid Horu dhac u ah kulan weyn oo lagu heshiisiin doono labadii Beelood ee dhawaan ku Dagaallamay Muran laxirira dhul Beereed ku yaalla tuulooyin Hoos yimaada degmada Balcad ee Gobolka Shabeellaha Dhexe.
Guddoomiyaha Degmada Balcad Cusmaan Xaadoole ayaa Sheegay in odayaasha Labada dhinac ay isla garteen in la Dhameeyo Colaadda Dhexdooda ah oo muddo soo laa-laabatay si Nabad looga wada faa’iideysto Khayraadka ay isku haystaan ee ah Dhulbeereedka.
Guddoomiye Xaadoole waxa uu Odayaasha Beelihii Dagaallamay Kula dar-daarmay in aysan Markale dib u dhicin Dagaal Beeleedyo Dhiig uu ku baxo.
Dagaalka labada Beelood ayaa ka billowday dhul Beereed ay isku Heysteen lahaanshiyahooda taas oo keentay in uu Dhaco dagaal Gacan ka hadal ah.
