Guddoomiyaha Degmada Hodan ee Gobolka Banaadir Mudane Cali Fahle ayaa maanta dhagax dhigay mashruuca hirgalinta dhismaha Wadda muhiim ah oo ka baxda Saybiyaano ee Degmada Hodan, kaas oo hirgalinteeda iska kaashan doonan bulshada deegaanka iyo Maamulka Degmada.
Dhagax dhigan waxaa goob joog ka ahaa Ganacsato iyo qaar kamid ah bulshada deegaanka kuwaas oo ka mahadceliyay qorshaha dhismaha waddadan, iyaga oo sheegay in hirgalinta dhismahaan uu yahay mid baahi weyn loo qabay.
Guddoomiyaha Degmada Hodan ee Gobolka Banaadir Mudane Cali Fahle ayaa sidoo kale dhagax dhigay wajiga labaad ee dhismaha interlock waddada Degmada kaas oo qeyb ka noqon doono horumarinta bilicda iyo isku socodka Gaadiidka iyo Bulshada.
Dhagax dhiga kadib ayaa Maamulka Degmada waxa uu kormeer ku sameeyay qaar kamid ah waddooyin dhowr ah oo laga hirgaliyay Degmada Hodan.
