Guddoomiyaha Gobolka Bakool iyo wafdi uu hogaaminayo ayaa gaaray degmada Ceelberde waxaana garoonka diyaaradaha degmada ku soo dhoweeyey maamulada degmooyinka Ceelberde, Rabdhuure iyo saraakiisha ciidamada.
Ujeedada wafdigaan ayaa qeybka ah abaabulka ka socda degmada Ceelberde oo maleeshiyada Shabaab looga xureynayo deegaano ay kaga sugan yihiin gobolka Bakool.
Safarka guddoomiyaha gobolka Bakool Maxamed Cabdi Tol ee Ceelberde ku soo gaaray waxa uga soo horeeyey ciidamo isugu jira xooga dalka iyo daraawiishka dowlad goboleedka koonfur galbeed oo loo diyaariyey ka qeyb qaadashada howgalada ka dhanka ah maleeshiyada Al-Shabaab oo guud ahaan dalka ka socda.
Qorshaha ugu weyn ee maas’uuliyiinta iyo ciidamadaan faraha badan ay ugaareen magaalada Ceelberde ayaa ah in howlgalka ka bilowda xudduuda Soomaaliya la wadaagto dowlad deegaanka Soomaalida oo u diyaargaroobay in dowlada Soomaaliya ku garab siiyaan ciribtirka argagaxisada Shabaab.
Guddoomiye ku-xigeenka amniga iyo siyaasada degmada Ceelberde Cumar Cabdiraxmaan Cali Boorow ayaa ka hadlay soo dhoweynta wafdiga uu horkacayay guddoomiyaha gobolka bakool isagoona dadka shacabka ah Ku booriyay garab istaaga ay ciidanka Xoogga u muujiyeen.
