Kulan ow soo Agaasimay maamulka gobalka mudug isla markaana uu shir guddoominyay guddoomiyaha gobalka mudug Axmed Xuseen Shire Bukhaari, ayaa maanta looga hadlay sidii xalwaara loogu heli lahaa xaaladda Abaaraha ka taagan Gobalka Mudug
Kulanka oo ay goobjoog ka ahaayeen duqa dagmada Gaalkacyo Cabdiraxmaan Sheekh Xasan Jimcaale, iyo Saraakiil ka socatay hay’addaha Caalamiga iyo kuwa maxaligaa ee ka howlgala Gobalka mudug, ayaa waxaa intiisa badan looga warbixiyay xaalada abaaraha iyo saameeynta ay ku yeelatay Bulshada xoola dhaqatada ah.
Related posts
Maamulka gobalka mudug ayaa intii kulanku socday soo bandhigay muuqaalo muujinaya abaaraha ka jira gobalka, Ayadoo ay ka barakaceen ku dhawaad toddobaatan kun oo qoys, kuwaas oo dhibaatada ugu badani ay heysato Carruurta iyo haweenka .
Kulanka oo sidoo kale warbixino la xariira xadiga abaaruhu gaarayaan looga dhageystay duqa dagmada Gaalkacyo Cabdiraxmaan Sheekh Xasan jimcaale oo isagu xusay in Gaalkacyo todabaadyadii lasoo dhaafay xeryaha ku yaala ee barakacayaasha ay soo gaareen qoysas cusub,kuwaas oo isugu jira kuwa argagixisada dhibaatooyinka ay ka geysanayaan deegaanada koofurta gobalka mudug, kasoo cararay iyo kuwa abaaraha kusoo xoola beelay.
