Aqoon siweedaarsigaan oo ku saabsan is cafinta bulshada Soomaaliyeed oo ay soo qabaan Bahda Cafis ayaa waxaa ka qeyb galaya madaxda warbaahinta, qubaro saxaafadeed, bulshada rayid ah iyo abwaano,si kor loogu qaado wacyagalinta bulshada ee is cafinta madaama in muda ah dalka ay ka jireen dagaalo sukeeye Soomaalida ay waxbadan kala tabanayso.
Jaamac Gaabuush oo ah Qabiir in mudda ah ku soo dhex jiray xalinta khilaafaadyada heerarkiisa kala duwan ee dalka ka jira ayaa kulanka ku soo bandhigay daraasad laga sameeyay khilaafaadka dalka waxa uu qeexay in cafisku uu yahay dhabaha uga wanaagsan ee xal u helida khilaafaadka .
Ka qeyb galayaasha kulanka oo soconaya laba maalmood ayaa bilaabay maanta isweydaarsiga aragtiyada la xiriira sidii loogu istaagi lahaa is cafinta Shacabka Soomaaliyeed iyo doorka ay ka qaadan karaan warbaahinta iyo bahda fanka iyo Suugaanta.
Wali Xaashi oo ah hogaanka Bahda Cafis oo sharxay muhiimada Aqoon isweydaarsigaan waxa uu tilmaamay in ay muhiimada tahay sidii loo gaari lahaa bulshada Soomaaliyeed oo is cafisa iyada oo loo marayo baraarujinta.
Sanatar Muna Cumar Xasan oo ka tirsan aqalka sare ee Barlamaanka Soomaaliya ayaa furitaanka aqoon iswaydaarsiga ka sheegtay in loo baahan xoojinta ol olaha Cafis.
Guddoomiyaha gobolka Banaadir Ahna Duqa Muqdisho Eng Cabdiraxmaan Cumar Cismaan (Yariisoow) oo furay Aqoon isweydaarsiga ayaa tilmaamay in Cafisku yahay wadada kaliya ee xal looga gaari karo dhibaatooyinka saldhig u ah khilaafaadka dalka ragaadiyay.
Cafiska waa caafimaad, Dadka xog ogaalka u ah dhibaatooyinkii dalka soo maray ee sababay burburka ayaa qaba in is cafinta ay qeyb weyn ka qaadan karto Soo noqoshada Soomaaliya.
