Guddoomiyaha Gobalka Banaadir ahna Duqa magaalada Muqdisho Mudane Yuusuf Xuseen Jimcaale Madaale ayaa maanta boqolkun oo dollar ku wareejiyay maamulka Degmada Hodan iyo Guddigii ka shaqeeyay dib u dhiska lagu sameeyay Wadad 26-ka Juun ee isku xirta isgoysyada Kaasa bobolaare (KPP) iyo Shaqaalaha ee Degmadaasi.
Guddoomiyaha Gobalka ahna Duqa Magaalada Muqdisho waxa uu xusay in lacagahaasi aysan ka imaan gacan shisheeye, isla markaana dib u dhiska lagu sameeyay waddooyinka magaalada Muqdisho ay yihiin kuwo loo adeegsaday qarashaadka laga qaaday muwaadiniin Soomaaliyed
Guddoomiyaha Degmada Hodan Axmed Salaad Ibraahim oo warbaahinta la hadlay ayaa duqa magaalada Muqdisho ugu mahad celiyay dhismaha wadada Shaqaalaha.
Waa wadadii afaraad oo uu maamulka Gobalka Banaadir ku sameeyay howlo dib u dhis ah, isla markaana laami lagu saaray waddooyinkaasi iyadoo uu Gudoomiyaha Gobalak Banaadir sheegay in dhismayaasha wadooyinkaasi ay ku baxday in ku dhaw 10milyan oo Dollar.
