Guddoomiyaha Gobolka Bari Senator Cabdisamad Yuusuf Maxamed Abwaan, ayaa maanta kulan la qaatay guddiga warshada Ogsijiinta sameeysa iyadoo dhawaan la keenay warshada magaalada Bosaaso Dowladuna ay bixisay dhulkii laga dhisi lahaa warshada.
Kulanka ayaa waxa looga hadlay sidii loo dhisi lahaa warshada Ogsijiinta guddiga ayaana waxa ay balan qaadeen in ay dhisi doonan warshada, iyadoo dhawaan la bilaabi doono dhismaha warshada.
Guddoomiye Cabdisamad Abwaan, ayaa uga mahadceliyey guddiga kulankan waxa uuna ku bogaadiyey sida wanaagsan ay uga qeyb qaadanayaan hormarka dalka.
Kulanka ayaa waxa ka soo qeyb galay Guddoomiye ku-xigeenka 2aad ee Gobolka Bari, Guddoomiye ku-xigeenka Degmada Bosaaso, Iyo Isuduwaha Wasaarada Cafimaadka maamulka Puntland.
