Guddoomiyaha Gobolka Benaadir ahna duqa Muqdisho Mudane Cabdiraxmaan Cumar Cusmaan (Eng. Yarisow) ayaa tababar ku saabsan dib-u-habeynta iyo casriyeynta maamulka iyo dakhliga u furay shaqaalaha Gobolka.
Guddoomiyaha ayaa sheegay in tababarkan uu qeyb ka yahay dadaallada ku saabsan dib-u-habeynta wax-yaha Maamulka Gobolka iyo sidii loo asteyn lahaa hannaan ku saleysan hufnaan maaliyadeed.
“dib-u-habeynta maamulka maaliyadda ee lagu soo kordhayay dawladda hoose waa mid asaas u ah dagaalka aan kula jirno musuqa iyo qorsheyaasheena la xiriira xoojinayo dawlad wanaagga.”
Eng. Yariisow oo kula dar daarmay masuuliyiinta qaadanayey tababarkan in ay ka mira dheliyaan cilmiga ay kororsadeen ayaa xaqiijiyey in uu muhiimad gaar ah u leeyahay xoojinta dakhliga Dawladda Hoose, sidoo kalena uu yahay nidaam si hufan u muujinaya kharashaadka baxa.
Tababarkan waxaa ka soo qeyb galay Guddoomiye Ku Xigeennada Arrimaha, Maamulka iyo Maaliyadda Mudane Xuuseen Maxamed Nuur, madaxda iyo shaqaalaha waaxyaha maamulka dhulka, dad dhigista, caafimaadka, dakhliga iyo maaliyadda.
