Maamulka gobolka Hiiraan ayaa sheegay in doorkiisa uu ka qaadan doono Maamul u sameynta gobollada Hiiraan iyo Shabeelaha Dhexe, isaga oo ugu baaqay shacabka inay u midoobaan dhismaha Maamulkaasi.
Guddoomiyaha Gobolka Hiiraan Yuusuf Axmed Hagar daba-geed oo la hadlay Radio Muqdisho ayaa sheegay in kaalin mugleh ay ka qaadan doonaan dhismaha maamul u sameynta gobollada Hiiraan iyo Shabeelaha Dhexe, isla markaana ay dhankooda diyaar u yihiin in shacabka iyo odoyaasha dhaqanka gacan ka geystaan dhismaha maamulka labada gobol.
Related posts
โWaxaa naga goโan in aan doorkeena ka qaadano, dhamaan dadka reer Hiiraan waxaa noo qorsheysan in aan isu geyno magaalada Jowhar, maadaama gogosha ay halkaasi taallo, waana arrin aad u fiicanโ ayuu yiri Guddoomiyaha gobolka Hiiraan.
Mudane Yuusuf Axmed Hagar daba-geed ayaa ugu baaqay shacabka ku dhaqan gobolka Hiiraan inay u istaagaan sidii ay gacan uga geysan lahaayeen maamul u sameynta gobollada Hiiraan iyo Shabeelaha Dhexe, waxaana uu intaa ku daray in maamulkiisa uu xoogga saari doono dhinacyada dib u heshiisiinta, amniga iyo horumarka gobolka.
