Guddoomiyaha Gobolka Shabeelaha Hoose mudane Maxamed Cabdiraxiin Nuur oo wareysi gaar ah siyey Radio Muqdisho ayaa baaq u diray Dhallinyarada ay qaldeen malleeshiyada Al-Shabaab ee ku dhuumaaleysanaya Gobolka, isagoo dhanka kale sheegay iney qaadayaan howlgal la isugu furi doono waddooyinka isku xira Gobolka.
Guddoomiyaha ayaa xusay in Maamulkiisa uu fursado shaqo siin doono dhallinyarada, ayna ku dadaalayaan shaqo abuurka dhallinyarada, si ay uga faa’iideystaan fursadaha uu Maamulka soo hordhigay.
Mudane Maxamed Cabdiraxiin Nuur Guddoomiyaha Gobolka Shabeelaha Hoose ayaa hoosta ka xariiqay in ay ka shaqeynayaan dib u soo nooleynta Kaabayaasha dhaqaalaha, ayna dhiiri gelinayaan Ganacsatada maalgashiga ka sameysaneyso Gobolka.
