Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa maanta dalka dib ugu soo laabtay kadib safar qaatay muddo afar maalmood ah oo uu dalka Boqortooyadda Sucuudiga ugu maqnaa howlo shaqo.
Guddoomiyaha iyo wafdigiisa ayaa waxaa garoonka diyaaradaha Aadan Cabdulle Cusman (Aadan Cadde) ku soo dhoweeyay qaar ka mid ah Xildhibaannada Golaha Shacabka iyo mas’uuliyiin kala duwan oo ka tirsan Dowladda, waxaana uu uga mahadceliyay soo dhoweyntii loo sameeyay.
