Guddoomiyaha Golaha Shacabka ee Baarlamaanka Federaalka Soomaaliya Mudane Maxamed Mursal Sheekh Cabdiraxmaan iyo wafdi uu hogaaminayo oo maalmihii lasoo dhaafay ku sugnaa Dalka Jordan ee Caasimadiisa Cammaan ayaa maanta dalka dib ugu soo laabtay.
Guddoomiyaha iyo wafdigiisa waxaa garoonka diyaaradaha caalamiga ah ee Aadan Cadde ku soo dhaweeyay Xildhibaanno ka tirsan Baarlamaanka Federaalka Soomaaliya iyo mas’uuliyin kale.
Guddoomiye Mursal ayaa intii uu halkaasi joogay waxaa uu kaga qeyb galay shirka 30-aad ee Midowga Baarlamaanadda Adduunka qeybtiisa Carabta.
Shirkaasi waxaa looga hadlay xaaladda Dalka Falastiin gaar ahaan heshiiskii Qarniga ee uu dhowaan saxiixay Madaxweynaha Mareykanka Donald Jey Trump.
