Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Maxamed Mursal Sheekh Cabdiraxmaan ayaa ka tacsiyadeeyay geerida Allaha ha u naxriistee Guddoomiyihii Guddiga Xallinta Khilaafaadka Doorashooyinka heer Federaal Cabdullaahi Abyan Nuur oo caawa ku geeriyooday isbitaalka Martiini ee Magaaladda Muqdisho.
โInnaa lillaah wa innaa Illeehi raajicuun anigoo ku hadlaya magaca guddoonka iyo Xildhibaanada Golaha Shacabka Waxaan Qoyskiisa,Guddiga xalinta khilaafaadka doorashooyinka heer Federaalka iyo guud ahaan Shacabka Soomaaliyeed uga tacsiyadeynayaa geerida ku timid Allaha ha u naxriistee Marxuum Cabdullaahi Abyan Nuur oo ahaa Guddoomiyihii Guddiga xalinta khilaafaadka doorashooyinka heer Federaal oo Caawa ku geeriyooday Magaaladdaโ ayuu yiri Guddoomiyaha Golaha Shacabka.
Related posts
Guddoomiye Maxamed Mursal ayaa sheegay in marxuumka uu ahaa shaqsi dalka xilal kala duwan kasoo qabtay islamarkaana uu kaalin weyn kaga jiray dowladnimada Dalka waxa uuna Alle uga baryay Inuu naxriistiisa jano ka waraabiyo guud ahaan Shacabka Soomaaliyeed, Guddiga Xallinta Khilaafaadka oo uu Guddoomiye u ahaa iyo gaar ahaan qoyskiisana uu samir iyo iimaan ka siiyo innaa lillaah wa innaa ileehi raajicuun.
Allaha ha u naxriistee Marxuum Cabdullaahi Abyan Nuur ayaa xilal kala duwan Dalka ka soo qabtay, Isagoo mar noqday Wasiirkii Garsoorka, Arrimaha Diinta iyo Awqaafta ee Xukuumaddii Ra’iisal Wasaare Cabdi Faarax Shirdoon (Saacid) sidoo kale dhamaadkii sanadkii lasoo dhaafay ayaa loo doortay Guddoomiyaha Guddiga xalinta khilaafaadka doorashooyinka heer federaa, waxa uuna caawa ku geeriyooday Isbitaalka Martiini ee Magaalada Muqdisho.
INNAA LILLAAHI WA INNAA ILEEHI RAAJICUUN.
