Guddoonka Golaha Shacabka ayaa kulan soo dhoweyn ah u sameeyey wefdi uu hoggaaminayo Guddoomiyaha Golaha Wakiillada Puntland oo Muqdisho booqasho jooga.
Kulankan soo dhoweynta ah ayaa maanta Guddoonka Golaha Shacabka ee JFS waxa uu magaalada Muqdisho ugu sameeyay wafdi uu Hogaaminayo Guddoomiyaha Golaha Wakiilada ee Puntland oo shalay soo gaaray magaalada Muqdisho, waxaana kulanka ka qeyb galay Guddoomiyaha Golaha Shacabka ee JFS Mudane Maxamed Sheekh Cusmaan Jawaari iyo xubno kale.
Sidoo kale Guddoomiyaasha Baarlamaanada Maamul Goboleedyada Galmudug iyo Hirshabeele ayaa kulankan ka qeyb galay.
Guddoomiyaha Golaha Shacabka Mudane Maxamed Sheekh Cusmaan Jawaari ayaa sheegay in ay muhiim tahay wada shaqeynta golaha shacabka ee JFS iyo golayaasha sharci dejinta ee Dowlad goboleedyda, wxuuna kula dar daarmay in la joogteeyo wada shaqeynta isla markaana laga wada shaqeeyo horumarinta shuruucda dalka.
“Arrimo qaarkood anaga ma sharciyayn doono, mana qaadaneyno waxayna ku dhamaaneysa Madaxweynihiina iyo laanta fulinta oo idin soo jeediya iyo idinka oo meesha ku go’aamiya, Anaga kan aan sameyneyno waxa uu noqonayaa kaliya mid heer Federaalka ah, marka taas waxa ay keeneysaa awoodihii oo la baahiyay iyo labada Baarlamaan heer dowlad goboleed iyo heer Federaal oo si dhab ah u wada shaqeynaya” ayuu yiri Guddoomiye Maxamed Sheekh Cismaan Jawaari.
