Guddoomiyaha Golaha Shacabka ee Jamhuuriyadda Federaalka Soomaaliya Mudane Maxamed Sheekh Cusmaan “Jawaari” ayaa magaalada Khartuum ee Xarunta dalka Suudaan kula kulmay Madaxweyne ku-xigeenka dalkan Suudaan Xasabuu Maxamed Cabdiraxmaan oo ay ka wada hadleen arrimo ay ka mid yihiin xiriirka labada wadan.
Guddoomiyaha Golaha Shacabka iyo Madaxweyne Ku-xigeenka ayaa inta kulankooda uu socday waxa ay isla soo hadal qaadeen dhowr qodob oo ay ka mid yihiin iskaashiga dhinaca amniga ee labada wadan, dimoqraadiyeynta, horumarinta adeegyada bulshada iyo siyaabaha tooska ah ee wax wada qabsiga labada dhinac ee dhinaca dimoqraadiyeynta.
Guddoomiyaha Golaha Shacabka JFS Soomaaliya Mudane Maxamed Sheekh Cusmaan Jawaari oo kulanka ka dib la hadlay Warbaahinta Qaranka ayaa sheegay in kulanka uu guul kusoo dhamaaday isagoo u mahad celiyay shacabka iyo Dowlada Suudaan.
