Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa si kulul u cambaareeyay qaraxyadii lala beegsaday dad shacab ah oo marayey wada Soobe ee aan waxba galabsan waxaana uu ku tilmaamay mid wuxuushnimo ah.
Guddoomiyaha ayaa dhammaan Shacabka Soomaaliyeed ee ku waxyeeloobay Alle uga baryay caafimaad deg deg ah halka kuwii geeriyooday Inuu naxariistii janno ka waraabiyo. Sidoo kale Guddoomiyaha ayaa ummadda Soomaaliyeed ugu baaqay in ay kooxdan arxan laawayaasha ah ee caadeysatay gumaadka ummadda Soomaaliyeed meel looga soo wada jeesto sidii loo cirib tiri lahaa.
