Guddoomiyaha Gobolka Shabeelaha Dhexe oo booqday qaar ka mid ah deegaannada uu maro webiga gobolkaasi ayaa ku baaqay in si deg deg ah loogu gurmado dadka ay saameysay biyo la’aanta ka jirta gobolka.
Guddoomiyaha Gobolka Shabeelaha Dhexe Cali Cabdullahi Xuseen oo saxaafada kula hadlay jiinka Webiga Shabeelle ayaa tilmamay inay jiraan abaaro xooggan oo saameyn ku yeeshay dadka ku dhaqan qaar ka mid ah degmooyinka ku yaalla gobalka Shabeellaha Dhaxe oo ay ka midtahay degmada Cadale iyo kuwa kale, kadib markii uu guray biyaha Webiga Shabeelle.
Guddoomiye Guudlaawe ayaa sheegay in biyo la’aantu ay sababtay in ay ka dhashaan cuduro sida shuban biyoodka oo ay carruur ugu geeriyoodeen tuulada Maandheere oo ka tirsan tuulooyinka hoos yimaado degmada Jowhar.
Guddoomiyaha gobolka Shabelaha dhexe ayaa ugu baaqay Dowladda Federaalka Soomaaliya in kaalmo beni’aadanimo la soo gaarto dadka ku dhaqan degmooyinka isagoo si gaar ah ugu baaqay guddiga Gurmadaka Abaaraha ee dhowaan magacaawday Wasaaradda Arimaha gudaha in ay gargaar gaarsiiyaan dadka ay abaaruhu saameeyeen.
Guud ahaan gobolka Shabeellaha Dhexe ayaa laga dareemayaa jiilaalka dheeraaday waxaana biyo la’aan soo wajahday kumanaan qoys oo ku nool tuulooyinka ku teedsan hareeraha Webiga Shabelle, kuwaasi oo xilligan u baahan
