Guddoomiyaha Guddiga samata bixinta qaxootiga Soomaaliyeed ee Yemen Sheekh Nuur Baaruud Gurxan iyo wafdi uu hogaaminayo ayaa si diiran loogu soo dhaweeyay magaalada Garoowe ee xarunta Gobolka Nugaal, halkaasi oo ay kula kulmeen Madaxweynaha Dowlad goboleedka Puntland Cabdiweli Maxamed Cali Gaas.
Sheekh Nuur ayaa sheegay in kulanka ay la qaateen Cabdiweli Gaas ay kala hadleen xaaladda qaxootiga Soomaaliyeed ee Yemen ka soo laabanaya, isagoo xusay in ay arrimo badan ay isla meel dhigeen, ayna uga mahadceliyeen dadaalka ay ku bixiyeen soo dhaweynta Muwaadiniinta Soomaaliyeed ee ka imaanaya dalka Yemen.
Related posts
Guddoomiyaha guddiga ayaa hoosta ka xariiqay in qorshaha ay ugu jirto soo dhaweynta qaxooti badan oo markabka Nawaal 3 uu ka soo qaaday dalka Yemen, kuwaasi tiradoodu gaareyso ku dhawaad 2,000 (labo kun), oo la filayo in beri ay Boosaaso soo gaaraan.
โXubno ka mid ah guddiga badbaadinta qaxootiga Soomaaliyeed ee Yemen ayaa ila socda oo u ku jiro Sheekh Yuusuf Cali Ceynte, runtii ujeedka socdaalka waxa uu yahay in Mamulka iyo culimada halkan joogto aan uga mahadcelino doorka ay ka qaateen soo dhaweynta iyo dib u dejinta qaxootiga Yemen ka imaanaysa, Qaabilaadda markab lagu wado in uu soo gaaro Boosaaso si aan u soo dhaweyno qaxootiga halkaasi laga keenayo
