Guddoomiyaha Hay’adda Maareynta Musiiboyinka Qaranka Soomaaliyed Mudane Maxamuud Macalim Cabdulle oo ka mid ahaa Wafdiga Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ee ku sugan Magaalada Roma ee dalka Talyaaniga ayaa maanta Booqday xarunta Hay’adda Bad-baadinta Bulshada ee Wadanka Talyaaniga.
Guddoomiye Maxamuud ayaa la kulmay dhigiisa iyo agaasimayaasha qeybaha kala duwan ee xarunta badbaadada shacabka ee Talyaaniga, Gudoomiyaha ayaa u kuur galay howsha baaxada leh ee xarunta talyaaniga iyada oo hada laga sheqeenayo daminta dab qabsaday dhul keymo ah oo ku yaal dalkaas.
Guddoomiye Maxamuud iyo dhigiisa ayaa ka wada hadlay in la bilaabo heshiis is kaashi oo dhexmaraya labada hay’adood, waxaana kulankaan goobjoog ka ahaa Safiirka Soomaaliya ee Talyaaniga iyo Safirkii hore ee wadankeena u joogay dalkaas iyo xubno ka tirsan Hay’adda SoDMA.
