Guddoomiyaha Hay’adda Maareynta Musiiboyinka Qaranka mudane Maxamuud Macallin Cabdulle oo warbaahinta la hadlay ayaa ka warbixiyay qasaarihii ka dhashay qaraxii iyo weerarkii ay khawaarijtu ka geysteen Xeebta Liido.
Guddoomiyaha SoDMA ayaa ehelada dadkii waxyeellada ka soo gaartay qaraxaas faray in ay lasoo xariiraan xarunta SoDMA si ay ula wadaagto xogta dheeriga ah eek u xeeran qasaaraha halkaasi ka dhashay iyo tallaabada ay qaadayaan.
Guddoomiyaha Hay’adda Maareynta Musiiboyinka Qaranka mudane Maxamuud ayaa sidoo kale u mahad celiyay golaha Wasiirada XFS oo xalay lacag Nus Milyan Dollar ah u qoondeeyay ehelada dadkii musiibadaas ku wax-yeelloobay.
