Guddoomiyaha Hay’adda Maaraynta Musiibooyinka Soomaaliyeed Mudane Maxamuud Macallim Cabdulle ayaa maanta xafiiskiisa ku qaabilay Safiirka Ururka Iskaashiga Islaamka u fadhiya Soomaaliya H.E. Ambassador, Mohamed Bamba M.Boba.
Ujeedka kulanka wuxuu ahaa in uu guddoonsiiyo Safiirka hay’adda SoDMA kaalmo lacageed oo dhan $50,000 oo doolar, taas oo ay balan qaadeen Islamic Solidaarity fund (ISF) booqashadoodii ay ku imaadeen xarunta hay’adda maaraynta musiibooyinka bishii Febraayo 2023, si abaaraha wax looga qabto.
Guddoomiyaha hay’adda mudane Maxamuud Macalin Cabdulle, ayaa uga mahadceliyay ISF iyo OIC, garab istaagga ay u muujiyaan umadda Soomaaliyeed markasta iyo marxalad waliba oo ay marayaan.
Dhanka kale safiir Bamba ayaa balan-qaaday in uu si dhaw ula shaqeyn doono hay’adda SoDMA oo wadda howlo aad u baaxad wayn si Soomaaliya ay uga baxdo dhibaatada beni’aadannimo ee haysata.
