Guddoomiyaha Hay’adda Maareynta Musiiboyinka Qaranka Mudane Maxamuud Macallim Cabdulle oo ay wehliyaan Wasiirka Gargaarka Jubbaland, Qaar ka mid ah Wasiirada Gargaarka dowlad Goboledyada iyo Agaasimaha Gargaarka Gobalka Banadir ayaa maanta kormeeray qaar ka mid ah xerooyinka Barakacayaasha ay deegaan sadeen Qoysas badan oo Kismaayo duleedkeda soo gaaray, kuwaas oo khawaarijta deegaanadoodii ka soo barakicisay.
Qoysaskaan oo haatan wajahaya xaalad adag oo isugu jirta Cuno la’aan, biyo yari, hoyga oo aan celin karin cadceedda iyo qabowga toona, Guddoomiye Maxamuud ayaa u kuurgalay xaaladda qoysaskaan isaga oo mid mid dadka nolashooda uga xogwareestay.
Guddoomiyaha Hay’adda SoDMA ayaa dultagay qoysas horleh oo khawaarijta ka soo barakicisay deegaanno iyo degmooyin ka tirsan Gobolka Jubbada dhexe iyo qeybo ka mid ah Jubbada Hoose, waxaana uu xusay in xaalad adag ay ka jirto xerooyinkii maanta uu booqday.
