Guddoomiyaha Hay’adda Maareynta Musiibooyinka, Mudane Maxamuud Macallin Cabdulle, oo hoggaaminaya wafdiga Dowladda Soomaaliya ee ka qeyb-galaya Madasha 6-aad ee Dalalka Carabta ee Yaraynta Khataraha Masiibooyinka, ayaa kulan rasmi ah la qaatay wafdiga Dowladda Ciraaq oo uu hoggaaminayo Wasiirka Wasaaradda Deegaanka, Dr. Halo Mustafa Askari oo ay wehliyaan masuuliyiin kala duwan.
Kulankan ayaa diiradda lagu saaray xoojinta xiriirka walaalnimo ee ka dhexeeya labada dal iyo iskaashiga dhanka maareynta musiibooyinka, yaraynta khataraha, iyo isdhaafsiga khibradaha la dagaallanka khataraha dabiiciga ah iyo kuwa ay sababaan ficillada bani’aadamka ee dad sameyga ah.
Labada dhinac ayaa adkeeyay muhiimadda ay leedahay wadashaqeynta dhow ee la xiriirta ka hortagga khataraha iyo awoodeynta maareynta musiibooyinka, waxaana la isku raacay in dowladuhu iska kaashadaan is-dhaafsiga, aqoonta, waayo-aragnimada, cilmi-baarista iyo farsamooyinka casriga ah ee la xiriira maareynta khataraha.
