Guddoomiyaha Hay’adda Maareynta Musiiboyinka Qaranka Soomaaliyed ee (SoDMA) Mudane Maxamuud Macallim Cabdulle, ayaa Maanta xarunta dhexe ee SoDMA Waxa uu ku qaabilay Safiirka Dowladda Qatar u qaabilsan Soomaaliya Mudane Cabdalla Binu Saalim Al-nuceymi iyo Mas’uuliyiin katirsan Qatar Fund iyo hay’adda Qatar Charity.
Madaxdaan ayaana kawada hadleen sidii Dowladda Qatar ay hay’adda SoDMA uga caawin laheyd gaarsiinta Gargaarka goobaha la xorreeyey ee Maamulada Galmudug iyo Hirshabeelle, Waxa ay sidoo kale mas’uuliyiinta ka wada hadleen sida dowladda Qatar uga qeyb qaadan laheyd u diyaar garowga iyo ka jawaab celinta Dufaanta El-Nino oo laga cabsiqabo in ay ka dhacdo qeybo kamid ah dalka.
Intaas kadib Guddoomiyaha iyo Safiirka waxa ay si wadajir ah u booqdeen Xarunta Howlgalada gurmadka deg-degga ee hay’adda SoDMA taas oo ay ka daah fureen qalabeynta xafiisyada dabaqa hoose oo ay dhawaan fulisay Qatar Charity.
Guddoomiyaha iyo safiirka waxa ay isla dhagax dhigeen si wadajir ah masaajid laga hir gelin doono gudaha Xarunta Howlgalada Gurmadka Deg-Degga ee hay’adda SoDMA.
