Guddoomiyaha Hay’adda Maaraynta Musiibooyinka Qaranka Mudane Maxamuud Macallim Cabdulle ayaa caawa la kulmay Safiirka DowladdaTurkiga Soomaaliya u joogo Mudane Amb. Ibrahim M Yagli.
Guddoomiyaha iyo safiirka Safaradda Dalka Turkiga ee Soomaaliya ayaa ka wada hadlay sidii Dowladda Turkiga ay kaga caawin lahayd Dajinta iyo logistikada qaybinta Markab raashin ah oo sida 25 kun oo tan ah oo dowladda Ruushka ay ugu deeqday shacabka Soomaaliyeed Iyo in Dowladda Turkiga ay ka caawiso dowladda Soomaliya diyaaradaha raashin ka qaybin kare dusha sare ee meelaha ay shacabka ku go’doonsanyihiin oo ay sida daran u saamaysay fatahaadaha Wabbiyada.
Qaybo kamid ah gobolada dalka waxaa ka jira xaalado adag oo ka dhashay xaalada El-Niño iyo Fataahad uu sameeyey Wabbiga Jubba, waxaana hay’adda SoDMA ku howlantahay caawinta iyo u gargaarida bulshada Soomaaliyed.
