Guddomiyaha Hay’adda Maareynta Musiibooyinka Qaranka Soomaaliyed ee SoDMA Mudane Maxamuud Macalin Cabdulle oo Maanta booqasho ku tegay isbitaalka weyn ee Madiina ayaa Taliyaha Ciidanka Booliiska Soomaaliyed Jeneraal Sulub Axmed Firin iyo Maamulka sare ee isbitaalkaas ku wareejiyey lacag gaaraysa 375,000 oo dollars oo hordhac ah oo loogu talagalay Wajiga koobaad ee dhismaha Xarunta Gargaarka deg-degga ah ee isbitaal Madiina taas oo uu dhagaxdhigay Ra’isul Wasaaraha Xukuumadda Federaalka Soomaaliya.
Xaruntan ayaa loogu talagalay in lagula tacaalo Muwadiniinta Soomaaliyeed ee ku waxyeelooba Musiibooyinka ka dhaca Soomaaliya, si loo hello xarun Caafimaad oo ka jawaabta baahiyaha deg degga ah ee soo bixi kara xilli kasta ayaana keentay hirgalinteeda.
Hay’adda SoDMA waxaa ka go’an horumarinta Caafimaadka iyo ka jawaabista xaladaha deg-degga ah, waxaana deeqdaan ka mahadceliyey Taliyaha Ciidanka Booliiska Soomaaliyed iyo maamulka isbitaalka, sidoo kale Guddoomiyaha iyo Taliyaha ayaa boqday qeybaha isbitaalka iyo dhawacyadii hay’adda dhawaan Muqdisho keentay, kuwaas oo ku wax yeeloobay qarixii Baladweyne
