Guddoomiyaha Hay’adda Maareynta Musiiboyinka Qaranka Soomaaliyed Mudane Maxamuud Macallim Cabdulle ayaa maanta xarunta dhexe ee hay’adda ku soo dhaweeyey qaar ka mid ah Isimada Dhaqanka Gobollada Sool iyo Sanaag oo maalmahaan Muqdisho ku sugnaa.
Kulankaan waxaa goobjoog ka ahaa Guddoomiye ku-xigeenka Hay’adda Dr Axmed Cabdi Aadan, waxaana looga hadlay xaaladda Laascaanood, ugurmashada shacabka dhibtaada ka soo gartay colaadaas.
Dhankooda, Isimada Dhaqanka ayaa Hay’adda Maareynta uga mahadceliyey kulankan iyo soo dhaweynta wanaagsan, waxaana ay soo bandhigeen aragtidooda ku aaddan xaaladda taagan, dhibaatada jirta iyo caqabadaha nololeed ee soo food-saaray dadka deegaanka ee ka dhashay dagaalka.
