Guddoomiyaha Hay’adda Maareynta Musiiboyinka Qaranka Mudane Maxamuud Macallim Cabdulle ayaa maanta Tababar waxa uu u furay 25 qof oo ka kala tirsan xarunta Qaran ee Gurmadka deg dega ah iyo Xafiiska Qatar Charity ee Soomaaliya Kaas oo socon doono muddo Shan cisho ah.
Tababarkaan waxa uu xooga saari donaa, Aqoonta aas-aasiga u ah fahamka u Diyaargarowga iyo ka jawaabista deg dega ah hadii ay dhacdo Masiibo allaah hanaga hayee ,Si gaar ah Siminaarkan waxaa loogu barram donaa erey cilimiyeedyada la xariira arrimaha Maareynta Musiiboyinka, siyaaadaha istiraatiijiyadaha iyo hanaanka caalamiga ah ee yareeynta qataraha .
Sidoo kale qodobada kale ee lagu barranayo tababarkaan ayaa ah xoojinta hanaanka wada shaqeynta shaqaalaha dhexdooda ah iyo maamulka arrimaha u Diyaar garowga iyo ka jawaabista deg dega ah.
