Guddoomiyaha Maxakamadda Sare ee Jamhuuriyadda Federaalka Soomaaliya Mudane Baashi Yuusuf Axmed ayaa magaalada Garoowe ee xarunta Dowlada Goboleedka Puntland uga qeyb galay aaska Guddoomiyihii Maxakamadda sare ee dowlad Goboleedka Puntland.
Allaha u naxriistee Guddoomiyihii Maxakamadda Sare ee Puntland Yuusuf Xaaji Nuur ayaa dhawaan geeriyooday, kaasi oo meydkiisa lagu aasey magaalada Garoowe.
Mas’uuliyiinta dowlad goboleedka Puntland iyo Guddoomiyaha Maxkamadda Sare ee Dalka, Xeer ilaaliyaha Guud ee Qaranka Dr Axmed Cali Daahir iyo Madaxweynaha Puntland Siciid Cabdullaahi Deni, ayaa ka qeyb galay aaskiisa, iyadoo mas’uuliyiintaasi Eebe uga baryeen in janadii Fardowsa uu ka waraabiyo.
Wafdiga uu hoggaaminaya Guddoomiyaha Maxakamadda Sare ee dalka Mudane Baashe Yuusuf Axmed oo jooga Garowe waxaa ay isugu jiraan, xeer ilaaliyaha guud ee Qaranka iyo Garsoorayaal ka tirsan Federaalka.
