Guddoomiyaha Ururka Haweenka Gobolka Shabeelaha Hoose Maryan Muqtaar Axamed ayaa ka hadashay xaaladda haweenka ku sugan gobolka, iyadoo intaa ku dartay in sanadkan cusub ay qorsheynayaan sidii ay fursado shaqo ugu abuuri lahaayeen haweenka gobolkaasi ku nool.
Maryan Mukhtaar Axmed Guddoomiyaha Ururka Haweenka Gobolka Shabeelaha Hoose oo la hadashay Radio Muqdisho ayaa sheegtay in xafiisyo kala duwan ay ku leeyihiin qaar ka mid ah degmooyinka Gobolka, isla markaana ay ka dhexeyso xiriir joogta ah oo ay iska warqabaan haweenka ka howlgalla xafiisyada degmooyinka gobolka.
Guddoomiyaha ayaa ku baaqday in loo istaago sidii fursado shaqo loogu abuuri lahaa haweenka ku nool gobolka Shabeelaha Hoose, ayna dhankooda door muhiim ah ka geysan doonaan sidii haweenka looga caawin lahaa dhankasta.
