Guddoomiye Ku-Xigeenka Labaad ee Golaha Shacabka Baarlamaanka Jamhuuriyadda Federaalka Soomaaliya Mudane Cabdullaahi Cumar Abshirow, ayaa maanta xafiiskiisa ku qaabilay Guddoomiyha Golaha Wakiiladda Hirshabelle Mudane Cabdixakiin Xaaji Maxamed luqmaan iyo xubno ka tirsan xildhibaanadda Baarlamaanka Hirshabelle iyo xoghayaha Baarlamaanka Hirshabelle.
Guddoomiye Abshirow, ayaa ugu horeyn ka wareystay xaalada guud ee deegannada Hirshabelle iyo halka uu marayo dadaalada lagu sifeeynayo kooxda khawaarijta Argagaxisada ah.
Related posts
Guddoomiyaha Golaha Wakiilada Hirshabelle, ayaa dhankiisa ka warbixiyay xaaladaha amni iyo mida guud ee deegaannada Hirshaballe, isagoo sheegay in meel wanaagsan ay marayaan ladagaallanka Khawaarijta, iyada oo na dhowaan ka bilaaban doona wajiga labaad ee dib u xorreynta dalka.
Ugu dambeyntii Guddoomiye Abshiroow, ayaa u mahadceliyay Guddoomiyaha Golaha Wakiilada Hirshabelle iyo xubnaha kale ee la socday, asigoona sheegay in ay wada shaqeyntooda ay sii xoojin doonaan diyaarna u yahiin wax waliba oo lagu hormarinayo deeganada Hirshabelle.
