Guddoomiye ku xigeenka Maamulka iyo Maaliyadda gobolka Banaadir mudane, Ibraahin Cumar Mahadalle (Ibraahin Dheere) ayaa maanta ka qeyb galay munaasabad ka dhacday xarunta dowladda hoose ee Xamar, taas oo uu xilka kula wareegayay agaasimaha cusub ee Shaqada iyo Shaqaalaha gobolka Banaadir mudane Muuse Cali Aybakar.
Guddoomiye ku xigeenka Maamulka iyo Maaliyadda Gobolka Ibraahin Cumar Mahadalle ayaa agaasimaha cusub ee waaxda Shaqada iyo shaqaalaha dowladda hoose ee Xamar kula dardaarmay in masuuliyadda la saaray uu si daacad ah ugu shaqeeyo bulshada caasimadda, isagoo Alle uga baryay inuu u fududeeyo shaqada loo igmaday.
Agaasimaha cusub ee waaxda shaqaalaha gobolka mudane Muuse Cali aybakar ayaa waxaa uu xilka kala wareegay mudane Axmed Cabdi Xasan oo si KMG ah xilkaas u hayay tan iyo 24-kii July ee sannadkii 2019, xilligaas oo uu qaraxii xarunta dowladda hoose ee xamar ku dhintay agaasimihii hore ee Waaxda shaqaalaha gobolka.
