Guddoomiye ku xigeenka labaad ee Baarlamaanka Federaalka Soomaaliya Mudane Mahad Cabdalla Cawad oo maalmahan booqasho ku joogay gobolka Mudug ayaa dib ugu soo laabtay magaalada Muqdisho Khamiistii.
Mudane Mahad Cabdalla Cawad Guddoomiye ku xigeenka 2aad ee Baarlamaanka Federaalka Soomaaliya waxaa garoonka diyaaradaha Aadan Cade ee magaalada Muqdisho kusoo dhaweeyey Xildhibaanno ka tirsan Baarlamaanka Federaalka Soomaaliya ayadoo guddoomiyahana uu gacan qaaday dhammaan mudanayaashii soo dhaweeyey.
Guddoomiye ku xigeenka labaad ee Baarlamaanka Federaalka Soomaaliya lasoo dhaweeyey kadib saxaafadda kula hadlay qeybta nasashada garoonka diyaaradaha Aadan Cade ayaa tilmaamay in safarkii uu ku tagay degmooyin ka tirsan gobolka Mudug uu guul kusoo dhamaaday islamarkaana uu kula soo kulmay qeybaha kala duwan ee bulshada, sidoo kalena waxa uu kasoo fuliyey mashaariicyo hormarineed.
Hoos Ka Daawo Soo Dhaweynta Guddoomiye Ku Xigeenka 2aad Ee Baarlamaanka
Hadaba ka hor inta aanu kasoo ambabixin magaalada Gaalkacyo waxa uu Guddoomiye ku xigeenka Labaad ee Baarlamaanka lacag lagu dayactirayo ceel biyood guddoon siiyey maamulka gobolka Mudug ee Puntland ayadoo ceelkaasina uu ku yaalo deegaan ku dhow Balibusle ee isla gobolka Mudug waxaana lacagtaasi ka guddoomay ku simaha Guddoomiyaha gobolka Mudug Axmed Muuse Nuur Yare.
Hoos Ka Daawo Kulanka Lacagta uu ku wareejiyey:-
