Guddoomiye ku-xigeenka hey’adda Maaraynta Musiibooyinka Qaranka Dr. Axmed Cabdi Aadan ayaa maanta qaabilay mas’uuliyiin ka socday xafiiska arrimaha Diinta ee Safaaradda Turkiga ee Soomaaliya oo hoggaaminayay la-taliyaha arrimaha Diinta ee Safaaradda Cumar Faruk ARSALAN.
Kulanka ayaa waxaa looga hadlay wada shaqayn dhexmarta labada hay’adood oo ku aaddan arrimaha la xariira hawlaha beni’aadannimo, gargaarka, dardargalinta mashaariicda xalka waara ee looga gudbayo ka jawaabidda arrimaha beni’ aadannimada iyo in ay si dhow u wada shaqeeyaan Hay’adda Maaraynta Musiibooyinka iyo Safaaradda.
