Shirka Golaha Afhayeenada Golayaasha sharci dejinta Soomaaliya oo maanta si rasmi ah uga furmay magaalada Garoowe ee xarunta Dowlad Goboleedka Puntland waxaa ugu horeyn ka hadlay Guddoomiyaha Golaha Wakiilada ee Dowlad Goboleedka Puntland Mudane Cabdixakiin Maxamed Axmed Dhoobo oo soo dhoweeyay Wafuudda shirka ka qeyb galeysa.
Guddoomiyaha Golaha Wakiilada ee Dowlad Goboleedka Jubaland Sheekh Cabdi Maxamed Cabdiraxmaan Guddoomiyaha Golaha Wakiiladda Koonfur Galbeed Cabduqaadir Shariif Sheekhuna Maye iyo Guddoomiyaha Golaha Wakiiladda ee Dowlad Goboleedka Hirshabeele Sheekh Cusmaan Barre oo furitaanka shirka ka hadlay ayaa soo dhoweeyay shirkan.
Guddoomiye ku-xigeenka labaad ee Golaha Shacabka ee Baarlamaanka Jamhuuriyadda Federaalka Soomaaliya ย oo shirka si rasmi ah u furay ayaa sheegay in muhiim ay tahay in golayaasha xeer dejinta dowladda Federaalka iyo Dowlad Goboleedyada ay la yimaadaan hannaan la isaga warqabi karo heer Federaal iyo heer Dowlad goboleed, Dowlad goboleedka puntlana uu sheegay in looga baahanyahay in ay si gaar ah arrintaas xil isaga saarto.
Gudddoomiye ku-xigeenka labaad ee Golaha Shacabka ayaa sheegay in golaha shacabka ay masโuuliyad ka saarantahay sidii shuruucda dalka loo dejinayo ay u noqon laheyd kuwo laga talo geliyo golayaasha xeer dejinta Dowlad Goboleedyada, Sidoo kale arrinta dib u eegista Dastuurka ayuu sheegay in cutubย walba oo dastuurka ah loo baahanyahay in ay talo ku yeeshaan Dowlad Goboleedyada.
Ugu dambeyn Guddoomiye ku-xigeenka labaad ee Golaha Shacabka ee Jamhuuriyadda Federaalka Soomaaliya ayaa sheegay in Golaha Shacabka ay ka goโantahay in la sii xoojiyo, lana dar dar geliyo wada shaqeynta iyo iskaashiga golayaasha xeer dejinta Dowladda Federaalka iyo Dowlad Goboleedyada, muhiimna ay tahay in kulamada noocaan ah la joogteeyo.
Dhinaca kale wafuuda shirkan ka qeyb galeysa ayaa kormeer howleed maanta ku tagay Xarumaha qaar ka mid ah Wasaaradaha Dowlad Goboleedka Puntland oo ay qeyb qeyb u kormeereen iyo sidoo kale Xarunta golaha wakiilada ee Dowlad Goboleedka Puntland, waxayna kulan la qaateen Guddoonka Golaha Wakiilada Dowlad Goboleedka Puntland.
