Guddoomiye Ku-xigeenka 2aad ee Golaha Shacabka Xildhibaan Cabdullahi Cumar Abshirow ayaa maanta soo xiray Tababarka Guddiyada Golaha Shacabka oo socday tan iyo Agoosto 20, 2023.
Tababarkan oo loo qabtay dhammaan 15 Guddi ee Golaha Shacabka ayaa diiradda lagu saaray Tayo-siinta Xildhibaannada Golaha Shacabka; Daadajinta Siyaasadda Nidaamka Federaalka; Dakhliga Kheyraadka Dabiiciga ah; iyo Doorka Sharci-dejinta & Habraaca Sharci-sameynta Soomaaliya.
Guddoomiye Abshirow ayaa u mahadceliyey dhammaan xildhibaannadi ka qeybgalay tababarkan, wuxuuna xusay in Guddi walba la siin doonno tababar u gaar ah oo ku saabsan arrimaha guddigu u xilsaaran yahay. Sidoo kale Guddoomiyaha ayaa si gar ah ugu mahadceliyey Hay’adda Max Planck Foundation iyo khubaradii bixineysay tababarka.
Ugu dambeyn, Guddoomiye Abshirow ayaa si rasmi ah u soo xiray Tababarka, wuxuuna carabka ku dhuftay in la joogteyn doonno tababarada la siinayo xildhibaannada.
