Wafdi uu hogaaminayo Guddoomiye ku-xigenka Gobalka dhanka Maaliyadda Mudane Ismaaciil Macallin Cabdi Guure ayaa maanta u amba baxay Dalka Turkiga. Halkaasi oo ay ka heleen casuumad rasmi ah.
Mudane Ismaaciil iyo wafdiga la socday oo casuumaad ka helay duqa Istanbul ayaa waxa ay socdaalkooda qaadan doono muddo isbuuc ah, iyagoo inta ay ku suganyihiin dalka Turkiga kulamo gaar gaar ah la qaadan doono madaxda dalkaasi oo ay kala hadli doonaan arrimaha Soomaaliya.
Wafdiga waxaa garoonka diyaaradaha Aadan Cadde ee magaalada Muqdisho ku sii sagootiyay mas’uuliyiin ka tirsan maamulka gobalka iyo xubno kale.
