Guddoomiye Ku-xigeenka Amniga iyo Siyaasadda Gobolka Banaadir Mudane Maxamed Axmed Diiriye (Yabooh) ayaa dhagax-dhigay waddo Interlock ah, taasi oo laga hirgelinayo Waaxda Jabuuti ee Degmada Kaaraan.
Guddoomiye Yabooh ayaa Maamulka iyo Bulshada Degmada Kaaraan ku amaanay doorka isku tashiga leh oo ay ugu qeyb qaadanayaan dhismaha waddooyinka xaafadaha, taasi oo muhiim u ah bilicda iyo fududeynta isku socodka bulshada.
Munaasabadda dhagax-dhiga waxaa goobjoog ka ahaa Guddoomiyaha Degmada Kaaraan Mudane Faarax Cadaani Maxamed, Xildhibaano xubno ka tirsan Maamulka Gobolka Banaadir iyo qeybaha kala gedisan ee Bulshada Degmada Kaaraan.
