Guddoomiyaha Golaha Shacabka ee Baarlamaanka Federaalka Soomaaliya Mudane Maxamed Mursal Sheekh Cabdiraxmaan iyo Guddoomiyaha Golaha Aqalka Sare ee Baarlamaanka Dalka Mudane Cabdi Xaashi Cabdullaahi iyo Wafdi Xildhibaanno ah oo ka tirsan labada Gole ee baarlamaanka ayaa gelinkii dambe ee maanta dib ugu soo laabtay Dalka, waxaana garoonka diyaaradaha Aadan Cabdulle ee magaalada Muqdisho ku soo dhoweeyay Xildhibaanno ka tirsan labada Aqal ee Baarlamaanka
Sidoo kale wafdiga waxaa qeyb ka ahaa Madaxweynihii hore Ee Dalka Mudane Xasan Sheekh Maxamuud.
Xubnaha Wafdiga labada Guddoomiye oo mudooyinkii dambe ku sugnaa Wadanka Turkiga ayaa diyaarad gaar ah ka soo qaaday Dalkaasi ,iyadoo ay weli hakad ku jiraan duulimaadyadii caadiga ahaa ee dunida inteeda kale sababo la xiriira cudurka Coronavirus.
