Gudiga Heer qaran ee wacyi galinta Coved-19 oo Maanta kulan ku yeeshay Xarunta Aqalka Dowladda Hoose ee Xamar ayaa iska wareysatay guulihii guddiga gaaray 2-di todobaad ee la soo dhaafay.
Xubnaha shirka goob-joog ka ahaa waxaa ka mid ahaa Wasiirka warfaafinta dhaqanka iyo dalxiiska ee Xukumadda federaalka Soomaaliya Maxamed Cabdi Xayir (Maareeye) ahna guddoomiyaha guddiga wacyigalinta ee cudurka Karoona Feyruska,Wasiirka Awqaafta iyo arrimaha diinta Soomaaliya Sheekh Nuur Maxamed Xasan, Wasiir ku xigeenka wasaaradda caafimaadka ee xukumadda federaalka Soomaaliya Maxamed saciid Cabdullaahi, Guddoomiyaha Gobolka Banaadir ahna duqa muqdisho Cumar Maxamuud Maxamed (Cumar-Filish) iyo ku xigeenada maamulka Gobolka Banaadir.
Guddiga ayaana shacabka ugu baaqay inay qaataan fariimaha caafimaadka si loo xakameeyo faafitaanka cudurka covid-19 oo saameyn ku yeeshay dalka.
Sidoo kale guddiga ayaa isla qaatay in la xoojiyo dadaalada looga hortagayo cudurka safmareenka ah covid-19.
