Gudoomiyaha maamulka gobolka Shabeelaha hoose Ibraahim Cali Aadan Najax ayaa maamul cusub u magacaabay deegaanka Lafoole ee hoostaga degmada Afgooye ee gobolka Shabeelaha hoose.
Gudoomiye Najax ayaa wada tashi ka dib magacaabay maamul cusub oo uu yeelanayo deegaanka Lafoole oo ka kooban Gudoomiye iyo labadiisa ku xigeen.
Wareegtada ka soo baxday xafiiska Gudoomiyaha gobolka Shabeelaha hoose ayaa Ibraahim Xuseen Saalax loogu magacaabay Gudoomiyaha deegaanka Lafoole, sidoo kale Muxyidiin C/kariin Faarax ayaa loo magacaabay gudoomiye ku xigeenka amniga deegaankaasi halka Iimaan Maxamed Cadoow loo magacaabay Gudoomiye ku xigeen Siyaasada deegaanka Lafoole .
Gudoomiyaha gobolka Shabeelaha hoose ayaa maalmihii la soo dhaafay waday howl wax looga qabanayo amaanka iyo baahiyaha bulshada ku nool wadada xiriirisa Magaalada caasimada ah iyo Degmada Afgooye.
